سياسة في سياسة
Wednesday, August 29, 2007
كلهم باشاوات
تخيل انك داخل مصلحه حكوميه و الباشا حاطط رجل علي رجل بيقلك: اقف في الطابور او قفلنا فوت بكرة .
ولا تخيل انك ماشي بالعربيه و مسافر علي الطريق السريع و عربيه نفس نوع و لون عربيتك اخدت مخلفة سرعة و لبست فيك المخلفه علشان الباشا بتاع الرادار مش فاضي ياخد النمرة.
سيبك من ده كله و تعالوا نزور اي مستشفى وندخل الطوارئ بواحد مغمى عليه او عنده نزيف او داخل في نوبة صرع و الباشا الدكتور بتاع الطوارئ يسيبه من المريض و يجي يقعد معاك و هو بيشرب كوبية نسكافيه قبل ما يكشف يخليك تملىء بينات و تدفع فلوس الكشف و بعد كده يستفسر هو ايه اللي حصله و اخيرا يمسك السماعه علشان يتاكد بنفسه و يكشف , طبعا مش كل الدكترة باشاوات .
بعد ما نخرج من المستشفى لازم نروح الصيدليه نصرف الدواء او نروح البيت و نطلب الدواء تليفونيا لو الحالة خربانا خالص .
في الحاله الاولى الباشا الصيدلي ماسك التليفون بيحب في بنت الجيران او بياخد اوردر من النوعية اللي ما بتخلصش.
اما الحاله التانية فاكيد هتتصل بالتليفون لانك مش هتقدر تسيب المريض و هو في حالته وتتصل و الباشا الصيدلي شاغل التليفون و اول ما يفضى ياخد الاوردر بتاعك و يركنه علي جنب اصله في واحد طالب تموين البيت من شانبوهات و صابون و روايح و لزوموا هيجبلوا بتاع ميت جنيه و شويه للسوبر صيدليه ماركت .
اما قصاد المستشفى او الشغل اوالصيدليه, عموما جنب اي رصيف و تحديدا في الصف الاول من الشارع اللي جنب الرصيف في شغلانه جديده ما بنشفهاش غير في مصر و اسمها السايس ,الباشا السايس شغلته انك ما بتشفهوش غير زي العفريت بعد ما تركن العربيه او بعد ما تطلع بيها من مكانها كل اللي بيعملوا ماسك خيشه ما بتنظفش و عمال يمثل ان بيمسح بيها العربيات و العربيه لسه زي ما هي علشان هو يشوفك نازل من هنا و يروح يمسحهالك من هنا علشان ايده ما توجعهوش و يطلع يجري وراى العربيه و يقولك بكل ادب: جنيه يا باشا. بعد ما يكون خبط علي العربيه لحد ما كسرهالك و كأنك دوست عليه او علي حد من قريبه و لو فكرت تقول: هو انت مأجر الشارع و لا ايه؟ هتلاقي ميت رد بس مش علي السؤال علي قلة ذوقك يا اخي.
و نيبك طبعا عن باشاوات المدرسة اللي كل شغلهم انهم يشربوا الشاي و يبهدلوا العيال و يروحوا في البيت يستريحوا.
كل دول باشاوات من الزمان الجميل اما عن الباشاوات المودرن اللي طلعينلنا في البخت و هما الخريجين الجداد اللي بينزلوا يقعدوا علي القهوة او قاعدين قصاد الشات ليل نهار او قاعدين في قاعدة كيف و يقولوا بفتحة بقوهم الكبيرة و هما بيجاعروا: مش لقين شغل .
اما عن الباشاوات اللي موجودين من زمااااااااااااااااان و دول بقى باشاوات بجد .يعني من النوعيه اللي بتلصق في الكراسي و ما بتقومش من عليه و لا بتتحركش. اللهم اغزيك يا شوشو انت عمال تستقصدهم من ساعة ما فتحت المدونة و شكلك هتوديني في دهيه.
خلينا نبقى نتكلم عليهم بعدين مع سواقين الميكروباص في موضوع واحد
ولا تخيل انك ماشي بالعربيه و مسافر علي الطريق السريع و عربيه نفس نوع و لون عربيتك اخدت مخلفة سرعة و لبست فيك المخلفه علشان الباشا بتاع الرادار مش فاضي ياخد النمرة.
سيبك من ده كله و تعالوا نزور اي مستشفى وندخل الطوارئ بواحد مغمى عليه او عنده نزيف او داخل في نوبة صرع و الباشا الدكتور بتاع الطوارئ يسيبه من المريض و يجي يقعد معاك و هو بيشرب كوبية نسكافيه قبل ما يكشف يخليك تملىء بينات و تدفع فلوس الكشف و بعد كده يستفسر هو ايه اللي حصله و اخيرا يمسك السماعه علشان يتاكد بنفسه و يكشف , طبعا مش كل الدكترة باشاوات .
بعد ما نخرج من المستشفى لازم نروح الصيدليه نصرف الدواء او نروح البيت و نطلب الدواء تليفونيا لو الحالة خربانا خالص .
في الحاله الاولى الباشا الصيدلي ماسك التليفون بيحب في بنت الجيران او بياخد اوردر من النوعية اللي ما بتخلصش.
اما الحاله التانية فاكيد هتتصل بالتليفون لانك مش هتقدر تسيب المريض و هو في حالته وتتصل و الباشا الصيدلي شاغل التليفون و اول ما يفضى ياخد الاوردر بتاعك و يركنه علي جنب اصله في واحد طالب تموين البيت من شانبوهات و صابون و روايح و لزوموا هيجبلوا بتاع ميت جنيه و شويه للسوبر صيدليه ماركت .
اما قصاد المستشفى او الشغل اوالصيدليه, عموما جنب اي رصيف و تحديدا في الصف الاول من الشارع اللي جنب الرصيف في شغلانه جديده ما بنشفهاش غير في مصر و اسمها السايس ,الباشا السايس شغلته انك ما بتشفهوش غير زي العفريت بعد ما تركن العربيه او بعد ما تطلع بيها من مكانها كل اللي بيعملوا ماسك خيشه ما بتنظفش و عمال يمثل ان بيمسح بيها العربيات و العربيه لسه زي ما هي علشان هو يشوفك نازل من هنا و يروح يمسحهالك من هنا علشان ايده ما توجعهوش و يطلع يجري وراى العربيه و يقولك بكل ادب: جنيه يا باشا. بعد ما يكون خبط علي العربيه لحد ما كسرهالك و كأنك دوست عليه او علي حد من قريبه و لو فكرت تقول: هو انت مأجر الشارع و لا ايه؟ هتلاقي ميت رد بس مش علي السؤال علي قلة ذوقك يا اخي.
و نيبك طبعا عن باشاوات المدرسة اللي كل شغلهم انهم يشربوا الشاي و يبهدلوا العيال و يروحوا في البيت يستريحوا.
كل دول باشاوات من الزمان الجميل اما عن الباشاوات المودرن اللي طلعينلنا في البخت و هما الخريجين الجداد اللي بينزلوا يقعدوا علي القهوة او قاعدين قصاد الشات ليل نهار او قاعدين في قاعدة كيف و يقولوا بفتحة بقوهم الكبيرة و هما بيجاعروا: مش لقين شغل .
اما عن الباشاوات اللي موجودين من زمااااااااااااااااان و دول بقى باشاوات بجد .يعني من النوعيه اللي بتلصق في الكراسي و ما بتقومش من عليه و لا بتتحركش. اللهم اغزيك يا شوشو انت عمال تستقصدهم من ساعة ما فتحت المدونة و شكلك هتوديني في دهيه.
خلينا نبقى نتكلم عليهم بعدين مع سواقين الميكروباص في موضوع واحد
12 Comments:
صديقى وأخى العزيز اللهو الخفى ...
كول الى أنت قولتوا معاك حق فية وبيحصل موش مبيحصلش أنا معاك ... لكن أنا مقدرتش أفهم أنت لو زعلان من دول كولهم يبقى أنت زعلان من 75 مليون نسمة يا سيد....
بصراحة انا ضحكت يا خفي لما قريت انك مستغرب من دة لانة طبيعي
و ضحت اكتر من تعليق التابعي
و ياعيني خد مني اول تعليق
محمود التابعي شكرا للزيارة الاولي و ارجو ان لا تكون الاخيره اما ردا علي ما قلت انا مش زعلان منهم زعلان عليهم و ز علان لهم مش اكتر
شمس اسم جميل لان معنى سامي لانالشمس مصدر الحياه علي الارض
اهلا بيكي في مدونتي يارب ان لا تكون الاخيرة
مش استغراب ده استنكار ذي لما تشوفي واحد بيضرب في التلفزيون بتستنكري الشكل ده مش بتستغربيه لانه منظر اتعودنا عليه
دولة الباشاوات فيها المصريين عبيد مقهورين يا إما باشاوات قاهرين ومقهورين برضه
السلام عليكم
اللهو الخفى
جميلة جدا مدونتك , وقضاياها أجمل
أرجو ان تزور مدونتى انت ايضا
مدونتى خاصة بخدمة المدوةنات العربية فهى تقدم خدمات مجانية مثل تصميم القوالب والاكواد وغيرها
اسمها : المدونة الخدمية
تشرفنى زيارتك
http://free-blog-serv.blogspot.com/
شكرا
البوست لذيذ اوى و معلش انى اتاخرت فى الرد عيه بس هى مشاغل
و كل اللى فى البوست عندك حق فيه الا
الا
الا
الصيادلة... دول ماتغاطش فيهم عشان مايطلعولكش ستة صيدلانية ينغصوا منامك
انا مش راضية اقولهم اهو
امضاء
سخسوختى
الستة بتوع صيدلة
:)
لاء الناس ديه مش كلها بشكي منها بس في منها كده اولا بجد اسعدني تعليقك يا سخسوختي لاني لم اتوفع منك الزيارة خصوصا في الوقت العصيب اللي بتمري بيه بجد فعلا اسعدني جدا اللهم ارحم موتنا و موتا المسلمين
المدونه الخدميه يسعدني ان تشارني و اشاركك الرأي و بجد شكرا علي التعليق
اهو كله كوم و السايس ده كوم، يعنى لو هاتنزل تشترى حاجة خلى معاك بتاع 50 جنيه كده للناس دى..
انت رصدت كويس السلبيات اللى بنشوفها دلوقتى و بالذات الدكاترة اللى نسيو شرف المهنة و الرسالة اللى شالوها لما قرروا انهم يكونوا اطباء..
بس انا مش معاااك فى حكاية الشغل، اوكى فى شباب و انا اعرفهم بيقعدوا على القهوة أو يقضوا حياتهم فى الشات، بس لما تتخرج من آثار مثلا و يقولولك تعالى اشتغل فى الميكانيكا و منغير مرتب هنا دى سلبية لازم ترصدها، لما يطلع عينك أربع سنين او خمسة و يجى صاحب الشغل يقولك بندى 100 جنيه ده ان رضى اصلا يشغلك هنا سلبية نرصدها..
لما يبقى معادك من 7 الصبح ل7 بليل و يخليك تبات فى الشغل هنا تبقى سلبية..
طولت عليك، بس لسه فى كلام كتير الواحد عايز يقوله فعلا
سلمى ياريت تقولي كل اللي شيفاه و ما فيش اطاله و لا حاجه انا بكتب علشان اشارك الناس الاّراء و نشوف رائيهم و نتناقش مع بعض علشان نصلح
اما عن الشباب مش بتكلم علي اللي بيدوروا بجد علي شغل ان بتكلم علي اللي مريحين الجمجم و مالهمش في اي حاجه
يا باشا ده العادى الى غير كده يبقاء مش منطقى ومش طبيعى ويبقا بلدنا ماشيه غلط وعايزه مخالفه سير
يا راجل يا مؤمن
يا راجل اتقي الله
بقى الباشاوات اللي بيلزقو في الكراسي عايز تزنق معاهم سواقين السرفيس او الميكروباصات
ده بتوع السيرفيس يتعمللهم مدونات ونتات وسايتات وحاجات
اتقو الله وماتبخلوش حقوق بتوع السربيييييس
انا بهزر على فكره
كل سنه وانت طيب يالهو
soooo
تشرفنا يكون في علمك عجبني تعليقك جدا اول مره قريت فيها كنت هتخانق معاك تاني مره بجد ضحكت جدا
Post a Comment
<< Home