سياسة في سياسة
Wednesday, March 5, 2008
سياسة اية يا عم
سيا سه ... سياسه ايه يا عم بلا سياسة بلا نيله هي ناقصه وجع دماغ هو بوب و اضرب اتنين في الكلوب
اي كلام يا عبد السلام بقى بيتقال و احنا هنا لسه بنداس و يكنسنا الكناس اللي سارق فلوس الناس
خد هنا بس بص شيفني ان عباس بتاع البوتجاز اللي مزود فلوس الغاز و مولع في بيوت الناس
بص قدامك و اياك تبص تحت رجليك عشان انا ناسي هنا بلاعه مفتوحه و محتاجه حد جوه الدنيا تنساه
ايوه جاي بتقول ايه ما فيش ميه للشاي
لاء مش معقول المواسير اليومين دول بينفجروا اكيد الاخوان هما اللي ورا انفجرات مواسير الميه
لاء لاء ما تبصليش كده هو انا لسه قلت حاجه بص يا عم يرضيك يرضيك ما يرضكاش ابقى امسحه بورق جرنال
قولي هي ايه بقي و اعملي عبيط
اصلي الميه زادت السودان مضيقين مننا و بيشربوا المياه قبل ما توصلنا
اكيد ما حدش واخد بالوا مننا تعالى اقولك حاجه في ودانك توووووووووووووووووووت
قلي هو ايه انت مش عارفه اللي احنا بناكلوا انت لازم تعرفوا عشان كمان سنتين هنرجع نلبسوا
وما تفكرش اياك في البيت بتاع اليومين دول بص انا اخوك و حبيبك و قلبي عليك
اشتريلك طن و لا طنين لو حابب تبقى مقاول اليومين الجين و لو معاك حاول تحتكر الطين
قلي بقي ليه ما هي نلقصه
اقولك عشان حديد حماده عزو اللي يتربى في عزو زاد متين الميه
فاللي عاوز يبني بيته يبنيه من طين و اللي بيته من طين ما يرشش الناس بالميه
و بلاش تتعاقد مع شركة الكهربة لو عندك اجهزة بتحبها و خايف عليها
اصل بعد الشر كهربتهم عندها شلل الرعاش فبتقطع ساعه كل ثانيه
اما بقى عن اوضع القاره فمش مهم المهم ان حيوانات القارة الامم المتحده بتاكلها
و نروح نزور سينا و ما انصحكش علبه السجاير بعشروميت جنيه
فمابالك بالسكر و الرز و اللي حجات اللي ما بئناش بنشوفها في القاهرة
و نطلع اتنين متر من حدود رفح و عين ما تشوف الا النور ده لو لحقت تشوه
فووووووووووووووووووووووووو
وده ايده هو التاني دماغه فوتت لاء و انت الصادق ده صاروخ لوازم وجودنا في غزة
الناس هناك بئالهم تعشروميت يوم في الظلمة و دلوقتي بقوا مالط من غير اكل وميه و بيقتلوا فيهم
واحنا هنا هااااااااااااااااااااااااااااااااااااااااااااااااااااا
معلش بتمطع اصلي عايز انام اه احنا ايه لسه عايزين نكمل نوم
اما امبارح اتفرجت علي حتة فيلم رعب انما ايه
بص بقى انا ما بحبش حد يقطعني اه
عايز تعرف ايه دخل الفيلم الرعب و اللي بتكلم فيه لما خلص الفيلم الصراحه هو يخوف
فالوحد فكر يصور الحجات الي بتحصل للفلسطنين و يعملها فيلم رعب ويبعتها لامريكا
علي العموم احنا قشطه كده مترنحين و مريحين و الصراحه مش مستريحين
عموما اه احنا اه و ادي الدنيا اهه و بيننا الزمن ومين عالم
يا عم بلا سياسة بلا نيله خلينا ندخل نخد غطس عايز الحق الحلم ده اصلوا رومانسي
يلا تصبحوا علي
